АЛМАТЫДА KAZBUILD 2025 ЖӘНЕ AQUATHERM ALMATY 2025 ӨТЕДІ — ӨҢІРДІҢ ҚҰРЫЛЫС ЖӘНЕ ИНЖЕНЕРЛІК САЛАСЫНЫҢ НЕГІЗГІ КӨРМЕЛЕРІ 30 ЕЛДЕН 637 КОМПАНИЯНЫ БІРІКТІРЕДІ
3-5 ҚЫРКҮЙЕК АРАЛЫҒЫНДА «АТАКЕНТ» КӨРМЕ ОРТАЛЫҒЫНДА (АЛМАТЫ Қ.) БІРДЕН ЕКІ ІРІ САЛАЛЫҚ КӨРМЕ ӨТЕДІ: 31-ШІ ХАЛЫҚАРАЛЫҚ ҚҰРЫЛЫС ЖӘНЕ ИНТЕРЬЕР КӨРМЕСІ KAZBUILD 2025 ЖӘНЕ 17-ШІ ХАЛЫҚАРАЛЫҚ ЖЫЛЫТУ, СУМЕН ҚАМТАМАСЫЗ ЕТУ, САНТЕХНИКА, КОНДИЦИОНЕРЛЕУ ЖӘНЕ ЖЕЛДЕТУ ЖАБДЫҚТАРЫНЫҢ КӨРМЕСІ AQUATHERM ALMATY 2025.
Бұл іс-шараларды бірлесіп өткізу Орталық Азиядағы ең ірі іскерлік кластерді құрып, құрылыс, инженерлік және интерьер индустриясының көшбасшыларын біріктіреді.
Осы жылы KazBuild 2025 26 елден 414 компанияны біріктіреді, олардың ішінде: Әзірбайжан, Беларусь, Германия, Греция, Израиль, Индонезия, Иран, Испания, Италия, Қазақстан, Қытай, Қырғызстан, Нидерланды, Норвегия, Біріккен Араб Әмірліктері, Польша, Португалия, Ресей, Тәжікстан, Таиланд, Түркия, Өзбекстан, Финляндия, Франция, Чехия, Оңтүстік Корея. Германия, БАӘ және Польша ұлттық топтарының белсенді қатысуы, сондай-ақ Әзірбайжан, Ресей және Иранның ұжымдық экспозициялары ерекше назар аудартады. 143 компания (34%) алғаш рет қатысады, бұл Қазақстанның құрылыс нарығына халықаралық қауымдастықтың өсіп келе жатқан қызығушылығын көрсетеді.
Aquatherm Almaty 2025 көрмесі 16 елден 223 компанияны жинайды, олардың ішінде: Беларусь, Болгария, Венгрия, Германия, Италия, Қазақстан, Қытай, БАӘ, Польша, Ресей, Сингапур, Түрікменстан, Түркия, Өзбекстан, Чехия және Оңтүстік Корея. Жоба аясында Германия және Түркия ұлттық топтары, сондай-ақ Қытай және Өзбекстанның ұжымдық экспозициялары ұсынылады. Алғаш рет қатысушылардың төрттен бірінен астамы — 54 компания (27%) — Қазақстан нарығына шығады, бұл көрменің жаңа ойыншылар үшін стратегиялық маңыздылығын көрсетеді.
Экспозиция алғаш рет 8-ші Павильон арқылы кеңейтіледі, бұл жаңа шешімдер мен технологияларды көрсету үшін алаңды ұлғайтуға мүмкіндік береді.
Қаныққан іскерлік бағдарлама көрмелердің ажырамас бөлігі болады. Оның аясында мемлекеттік органдар, салалық қауымдастықтар және халықаралық сарапшылардың қатысуымен «Заң, цифр, интеллект: Қазақстанның құрылыс саласын синергия арқылы дамыту» пленарлық сессиясы өтеді. Архитектуралық және құрылыс бірлестіктерінің дөңгелек үстелдері, қалпына келтіру бойынша мастер-кластар, Прагадағы Құрылыс техникалық институтының презентациясы, Haast бюросының архитектуралық батлы, сондай-ақ ауқымды салалық іс-шаралар – Үлкен Терезе Форумы және Окна+ Мектебінің Монтажник Шоуы және «Технарь PRO Kazakhstan 2025» Монтажниктер Чемпионаты ерекше қызығушылық тудырады.
Екі көрмеге қатысушылардың жалпы саны 30 елден 637 компанияны құрайды, бұл жобаны өңірдегі ең ірі кәсіби коммуникациялық платформа етеді.
Aquatherm Almaty 2025 көрмесінің іскерлік серіктесі: ЖШС «Технарь Оқу Орталығы». KazBuild 2025 көрмесінің іскерлік серіктесі: Окна+ Мектебі
WINDOWS&DOORS секторының іскерлік бағдарламасының бас серіктесі: GALAKSI GROUP
WINDOWS&DOORS секторының іскерлік бағдарламасының ресми серіктестері: KCC Asia және WellSun
KazBuild және Aquatherm Almaty 2025 көрмелерінің серіктес елі: Қытай
Ресми қолдау көрсеткендер: Қазақстан Республикасының Индустрия және құрылыс министрлігі, Алматы қаласының әкімдігі, Құрылыс және тұрғын үй-коммуналдық шаруашылық істері комитеті, ҚР МПС өнеркәсіп комитеті, Сауда өкілдіктері және дипломатиялық миссиялар.
Іс-шаралардың ұйымдастырушысы: Қазақстандық көрме компаниясы Iteca және оның халықаралық серіктесі – ICA Events компаниялар тобы.
Көрмелер туралы толық ақпарат көрменің ресми сайттарында қолжетімді: www.kazbuild.kz, www.aquatherm-almaty.kz
